In 1914 het 'n groep Afrikaners in verset teen die Unieregering gekom, aangevuur deur "Siener" van Rensburg se visioene wat vertel het van die ondergang van die Britse ryk. Toe Louis Botha net na die aanvang van die Eerste Wereldoorlog aankondig dat die Unie Duits-Suidwes-Afrika sou inval, was die vet in die vuur en het honderde opstandige manne die wapen opgeneem. Volgens die joernalis L.E. Neame was dit "one of the most curious and dramatic incidents in the Great War". Naas die Groot Trek en die Anglo-Boereoorlog het die ...
Read More
In 1914 het 'n groep Afrikaners in verset teen die Unieregering gekom, aangevuur deur "Siener" van Rensburg se visioene wat vertel het van die ondergang van die Britse ryk. Toe Louis Botha net na die aanvang van die Eerste Wereldoorlog aankondig dat die Unie Duits-Suidwes-Afrika sou inval, was die vet in die vuur en het honderde opstandige manne die wapen opgeneem. Volgens die joernalis L.E. Neame was dit "one of the most curious and dramatic incidents in the Great War". Naas die Groot Trek en die Anglo-Boereoorlog het die rebellie 'n prominente plek in Afrikanergeskiedsbeskouinge ingeneem. Dit is derhalwe nie verbasend nie dat daar reeds heelwat navorsing oor die opstand gedoen is, maar met Radelose Rebellie? ondersoek prof. Albert Grundlingh en dr. Sandra Swart aspekte daarvan wat tot dusver grotendeels verwaarloos is. Was dit inderdaad so 'n vae, ongestadige verskynsel soos talle kommentators beweer? Was dit 'n redelose, radelose rebellie? Of het meer daaragter gesteek? Albert Grundlingh was vir 27 jaar verbonde aan die Universiteit van Suid-Afrika. Sedert 2001 is hy voorsitter van die Departement Geskiedenis aan die Universiteit van Stellenbosch. Sy publikasies sluit in monografiee oor die sogenaamde "hendsoppers" en "joiners" gedurende die Anglo-Boereoorlog, en Suid-Afrikaanse swart mense en die Eerste Wereldoorlog. Sandra Swart is 'n gerekende omgewings- en sosiale historikus, en het beide 'n DPhil in Moderne Geskiedenis en 'n MSc in Omgewingsveranderinge aan die Universiteit van Oxford ontvang.
Read Less
